Grískt salat

1 rauðlaukur

100 ml jómfrúarolía

1/2 tsk rauðvínsedik

5-6 tómatar, vel þroskaðir, eða 2 vænir bufftómatar

1 gúrka, lítil

1/2 tsk oregano, eða grískt lambakrydd frá Pottagöldrum

pipar, nýmalaður

8-12 svartar ólífur

150 g fetaostur, helst í heilu stykki

 

Laukurinn helmingaður, skorinn í þunnar sneiðar og þær settar í skál.

Olíunni hellt yfir ásamt edikinu, blandað og látið standa á meðan

afgangurinn af grænmetinu er undirbúinn: Tómatarnir skornir í báta eða

þykkar sneiðar. Gúrkan afhýdd, skorin í 5-6 cm bita og hver biti síðan í

stauta. Sett í salatskálina, oregano og pipar stráð yfir og blandað.

Ólífunum raðað í hring við skálarbarmana og síðan er osturinn skorinn í um 1

cm þykkar sneiðar og þær lagðar ofan á. Ef osturinn er í teningum er þeim

dreift yfir.

 

Í þennan rétt verður eiginlega að nota sneiðar af fetaosti, ég held að

teningar virki ekki. Það gæti líka verið gott að bæta nokkrum ræmum af

sólþurrkuðum tómötum ofan á fersku tómatana, en ekki of miklu.