Grillaður rauðlaukur með hindberjaediki

 

3 rauðlaukar, meðalstórir

4 msk hindberjaedik (eða rauðvínsedik)

4 msk olía

nýmalaður pipar

salt

 

Laukurinn afhýddur en rótarendinn ekki skorinn af (það er til að laukblöðin  losni ekki í sundur).
Hver laukur er svo skorinn í 8 geira, þeir settir í  skál og edikinu ýrt yfir. Látið standa í hálftíma og hrært öðru hverju. 
Grillið í ofninum hitað. Álpappír breiddur á bökunarplötu og hún pensluð með  olíu.
Laukurinn tekinn úr edikinu (en það geymt) og raðað á plötuna. Meiri  olíu ýrt yfir og kryddað með pipar og salti.
 Laukurinn er svo settur í  ofninn, 8-10 cm frá grillristinni, og grillaður þar til hann er farinn að  taka lit en ekki brenna.
Þá er platan tekin út, laukgeirunum snúið og þeir  grillaðir álíka lengi á hinni hliðinni.
 Laukurinn er svo tekinn út, settur á  fat og edikinu ýrt yfir. Látið kólna nokkuð og borið fram volgt eða við  stofuhita.